Patrick – this is my truth, tell me yours

Bardd
Patrick Jones
Twitter

Coleg Meddygol Brenhinol yn cyhoeddi Artist ar gyfer Iechyd Meddwl

Y bardd, awdur a’r dramodydd adnabyddus, Patrick Jones yw’r artist preswyl yng Ngholeg Brenhinol y Seiciatryddion yng Nghymru.

Bydd Jones yn gweithio gyda’r coleg ar gyfres o weithiau a gomisiynwyd I hyrwyddo effaith celf ar lesiant ac iechyd meddwl y cyhoedd a gwasanaethau cyhoeddus Cymru fel ei gilydd.

Mae gan Patrick Jones, sy’n hanu o’r Coed Duon hanes cyfoethog o gyfranogi mewn prosiectau celf ac Iechyd, ar ôl gweithio’n ddiweddar gyda Chôr Forget me Not (mae aelodau’r côr hwn yn unigolion sy’n byw gyda Dementia) ar y prosiect ‘My Song, My Story’.

Roedd y gwaith hwn yn cofnodi cerddi o ganeuon mwyaf gwerthfawr yr aelodau, a’r storïau a oedd yn sail iddynt.

Rwy’n credu y gall y Celfyddydau helpu i ddatblygu hunanhyder a hunan-fri, cael effaith gadarnhaol ar ddiwylliant ysbytai ac unedau gofal, gwella perthnasau a morâl staff a chleifion, gwella sgiliau cymdeithasol a rhoi cyfle i gyfranogwyr ddysgu sgiliau newydd. Fel y dywedodd Voltaire flynyddoedd maith yn ôl, ‘Rhywbeth i’w wneud - rhywbeth i’w garu - rhywbeth i obeithio amdano.
Mae’n wych gallu trosglwyddo’r hyn yr wyf yn ei wybod a’r hyn yr wyf wedi’i ddysgu wrth greu’r rhaglen newydd hon, ac i’r bobl hynny yr wyf wedi cwrdd â hwy dros y blynyddoedd ac wedi bod yn ddigon ffodus i gael cydweithio gyda hwy, cysylltwch â mi, mae’n gyfle gwych i gymryd rhan mewn rhaglen mor gadarnhaol â hon.
Dyma lle mae’r Celfyddydau yn hollbwysig ac yn ddull cuddiedig sy’n aros i gael ei ddefnyddio wrth drin pobl sy’n byw gyda Dementia. Y prosiect hwn yw man cychwyn y daith ac rydym yn gobeithio y bydd yn ymledu drwy bob un o’r rhwydweithiau Iechyd Meddwl.
Roedd gweld pobl yr oedd eu bywydau wedi’u handwyo gan ddementia yn ‘goleuo’ wrth iddynt ganu caneuon o’r gorffennol yn un o brofiadau mwyaf gwefreiddiol a chadarnhaol fy mywyd. Ysgrifennais ddrama “Before I Leave”, a gynhyrchwyd gan Theatr Genedlaethol Cymru, sydd ar fin cael ei haddasu yn ffilm. Mae’n stori y mae’n rhaid ei hadrodd.

My song, my story

prosiect cydweithredol gyda The Forget Me Not Chorus

Elusen wirioneddol ysbrydoledig yw’r Forget-me-not Chorus sy’n defnyddio grym canu i ddod â llawenydd i bobl sydd â dementia a’u teuluoedd.

Fel rhan o fenter “Cer i Greu” Cyngor Celfyddydau Cymru, cynhaliodd y Forget Me Not Chorus gyfres o arddangosfeydd teimladwy o’u gwaith ym mhafiliwn Penarth oedd yn rhoi hwb i’r galon.

Gan weithio gyda Patrick, bu dros 120 o aelodau’r côr yn archwilio eu cân arbennig a’r stori y tu ôl iddi. Gyda delweddau pwerus yn cyd-fynd â barddoniaeth emosiynol, mae arddangosfa My Song, My Story yn dathlu gallu unigryw caneuon i ddyrchafu a chyfoethogi ein bywydau.

Mae cyfrol yn dathlu’r gwaith hwn ar gael drwy Parthian Books.

My Song, My Story

Forget Me Not Chorus

Before i leave

prosiect cydweithredol gyda National Theatre Wales

Ysbrydolwyd Before I Leave gan waith Patrick gyda chôr Cwm Taf ym Merthyr. Mae aelodau’r côr wedi rhannu llawer o’u hamser a’u profiadau gyda Patrick, gan ei helpu i ysgrifennu drama sy’n dathlu’r cyd-lawenydd adferol a ddaw yn sgil canu mewn côr ac sydd hefyd yn galw am ymdeimlad o gyfrifoldeb cyfunol o’r newydd. Mae’r cynhyrchiad hwn, sy’n llawn dicter ond yn y pen draw yn cynhesu’r galon, yn trafod y galwadau taer presennol am well gofal iechyd meddwl yn ogystal â brwydrau mor bell yn ol â streic y glowyr. Mae’n ymfalchïo yn ei natur wleidyddol, gan gerdded i rythm rhai o’n hoff ganeuon.

★★★★ “Joyous drama about reality of dementia” THE GUARDIAN

Coleg Brenhinol y Seiciatryddion Cymru

Artist Preswyl

Pan gyhoeddwyd ei gyfnod preswyl, bu Patrick ar BBC Wales Today yn trafod y cysylltiadau rhwng celf ac iechyd meddwl, yn ogystal â dyheadau ar gyfer y bartneriaeth.

Yn gynnar yn ystod y cyfnod preswyl, cyflwynodd Patrick weithdai ysgrifennu creadigol archwiliadol gyda chlinigwyr a hefyd rhoddodd gyflwyniad yng nghyd-gynhadledd gaeaf Coleg Brenhinol y Seiciatryddion a Chymdeithas Seiciatrig Cymru, ‘dyfodol seiciatreg’.

Bardd